Bilaketak

Zure bilaketa zein hizkuntzatan egin nahi duzun zehazteko, bilagaiaren ezkerrean zabaltzen den zerrendako aukera bat sakatu behar duzu (euskara (eu), gaztelania (es), ingelesa (en) edo frantsesa (fr)).

Ondoren, idatzi aurkitu nahi duzun hitza, terminoa edo esapidea bilagaiaren laukian; bestela, idatzi karaktere bat zein karaktere-segida bat. Idatziz joan ahala, halako hitzez, karakterez edo karaktere-multzoz hasten sarrera guztiak bistaratuko dira. Sakatu Sartu tekla, edo, bestela, hautatu nahi duzun hitza zerrendatik.

Bilaketa arlo jakin batera mugatu nahi baduzu, eskuinean ageri den arlo-zerrendan zehaztu behar duzu nahi duzun arloa.

Emaitzak

Aurkitutako terminoa goian agertuko da. Aurkitutako terminoak adiera bat baino gehiago baditu, adierok bata bestearen atzetik erakusten dira, jakintza-alorraren arabera ordenaturik.

Kontzeptu bakoitzean ageri den informazioa:

  • dagokion jakintza-alorra
  • Sin. Sin. laburduraren ondoren, terminoaren sinonimoak
  • Ondoren, beste hizkuntzetako ordainak, nazioarteko hizkuntza-laburdura aurrean dutela: gaztelania (es), euskara (eu), frantsesa (fr) eta ingelesa (en)
  • Irudia (dagokion kasuan).
  • Kasu batzuetan, eu terminoaren ondoan (Euskotren – ETS) ikusi ahal izango da. Honek esan nahi du, termino hori horrela erabiltzen dela bi erakunde horien Zirkulazio Araudian.

Sistemak bilaketa-laukian idatzi duzuna hiztegian aurkitzen ez duenean, mezu hau bistaratzen du informazio-atalean: 'Bilatu duzun hitza ez dago hiztegian. Nahi baduzu, hiztegian sartzeko proposamena bidal dezakezu'. Proposamena jartzen duen tokian sakatuz, termino hori hiztegiratzeko proposamen bidali daiteke.

Kontsulta-aplikazioko botoiak eta informazioa

  •  : hitza Twitter bidez partekatzeko botoia
  •  : hitza Facebook bidez partekatzeko botoia
  •  : hitzari buruzko iruzkina bidaltzeko aukera ematen du
  •  : Bilaketa-laukian sartzen den hitz oro, zuzenean, beste hiztegi batzuetan bilatzeko aukera emango dizu botoi honek. Bertan klik eginez gero terminoaren informazioa bilatu ahal izango duzu Elhuyar Hiztegietan, Elhuyarren Zientzia eta Teknologiaren Hiztegi Entziklopedikoan eta Euskaltermen.
  •  : hiztegiaren inguruko hainbat informazio izango duzu botoi honetan klik eginez gero:
    • Proiektua
    • Kontaktua
    • Laguntza
    • Lege-oharra

Atzera egiteko edo aurreko leihora itzultzeko, nabigazio-leihoko geziaren gainean klik egin behar duzu.

Gaztelaniazko, euskarazko, ingelesezko eta frantsesezko interfazea aukeratu dezakezu. Horretarako goiko eskuineko eu, es, en edo fr jartzen duen botoietako bat sakatu beharko duzu.